因爲係Mark哥book的，所以去之前我係完全冇做過功課就去的。
餐廳菜系係來自印度嘅旁遮普，咁因爲我地唔係成日食印度菜，所以味道上唔係好知有咩分別，淨係知。餐廳裝修幾靚，主色調係綠色同紅色，但我地覺得最正最特別都係嗰廁所，超細的面積，昏暗的燈光，金色的裝潢，念經般的背景樂，好似去咗啲邪教lol。
嗌完野食之後，我地兩個覺得有少少不安，所以又即刻睇openrice，發現好多人都嗌咗嗰off-menu嘅餸 —— Keema Pau，我覺得成個餐頭二最正嘅其中之一就係尼個，咖喱羊肉碎配牛油包，羊肉好足量、咖喱好重香料味又唔會過鹹，加埋啲脆口「薯條」，好夾；嗰牛油包煎得好脆，想單獨encore嗰包。同時每張檯會serve埋一碟花生，係嗰種炒過黎嘅花生，而唔係生花生/鹵水feel嘅腍花生，小辣同埋好重香料味，Mark哥唔單止接受到仲要評價好impressed。
本身Mark哥想嗌Oxtail，結果我同佢發生communication crisis，落單嘅時候我嗌咗three yellow chicken三黃雞。可能係土窯烤嘅緣故(?)，雞嘅質感冇咁嫩，勝在啲香料同雞幾襯。
我就嗌咗Tandoori Cobia，土窖爐烤魚，魚嘅口感比較似比目魚同鱈魚，肉質偏實但唔硬，皮烤到好脆，一舊份量都好大，所以每人一舊都好夠。但我覺得最無敵嘅係嗰sauce，yogurt base加咗好多香料，好fresh，我個人覺得好百搭，覺得three yellow chicken都可以襯埋。
而最後上嘅係Garlic Naan，本身我地仲係度話佢係咪唔記得咗我地有嗌naan，但都真係上嘅時候，我地兩個都話好彩佢係最後先上，因爲真係好大份，如果一早上嘅話，我地應該塞唔到魚同雞肉。Garlic Naan好重嘅牛油同蒜蓉味，餅底好軟，我覺得幾好食，但Mark哥好似唔係幾識欣賞…
