Belon

m·08/03/2023·0 comments

Black Sheep嘅black series最後一站就係旗下其中一間米芝蓮一星嘅Belon (另外一間就係New Punjab Club)。

總體而言，每一道餸嘅精緻程度同埋環境氛圍都對得起佢米芝蓮一星嘅稱號。但可能對佢有少少期待，所以啲味道另到我有少少失望。

一口炸薯球中間係cheese mousse，咬開冇爆漿感，但芝士味都算較濃。
三文魚親子嘅one bite starter，右邊嘅三文魚(on top係魚皮)冇乜特別；左邊嘅係三文魚籽加咗睇刁草，幾清新。
尼個係加錢嘅dish，鵝肝啫喱配搭蘋果包開心果碎。鑑於我好鍾意鵝肝同鴨肝，所以我好鍾意尼道菜。隔離嘅卷，就咁睇配搭，會以為係啲清新派，尤其是隔離嘅鴨肝咁濃味，但其實係出乎意料嘅濃味，尼道我幾滿意。
麵包加海鹽。麵包texture0特別，唔係軟熟，唔係鬆化，唔係濕潤，好彩啲海鹽有幫佢加返2分。
俗啲講「法式腸仔包」，brioche加mixed sausage。我作為一個麵包愛好者，好鍾意尼個brioche，好soft，好有牛油味。但我就唔係幾鍾意嗰腸，覺得口感偏實同乾，都係鍾意肥少少嘅腸，但Mark哥就幾滿意，反而麻麻地包… 配汁係黑松露，個人覺得有少少唔夾，有啲太搶味…
主菜：三黃雞。可能我地對佢有期待，諗住米芝蓮一星可能主菜會有少少特別配搭，所以食完就覺得中規中矩，但不可否認，雞皮好脆，肉好滑，好嫩。最搶我地味蕾及印象深刻嘅，反而係佢嘅配菜——薯蓉，又名「薯蓉配牛油」，一入口就知超高卡路里，食落嘅口感同味道就好似食緊牛油，超滑，超牛油，反而得少少薯仔味。
以上兩道都係甜品。第一個係芒果加少少酒嘅甜品，0特別，我唔鍾意，所以冇食晒，Mark哥食晒。第二個係杏仁朱古力mousse cake + 杏仁雪芭，杏仁雪芭幾好食，但我真係唔識欣賞杏仁+朱古力尼個配搭。
係我地走嘅時候，Belon送咗我地四舊焦糖奶油酥，幾好食，表層全部都係焦糖，幾脆，但可能因爲唔係新鮮出爐，所以唔係鬆脆嗰種，同埋中間嘅texture都唔夠酥。所以我都係鍾意K11 Musea嘅Gontran Cherrier xd

m

Related posts

Leave the first comment